ಹನೋಯಿ, ಜ. ೩೧: ಈ ವಾರದ ಆರಂಭದಲ್ಲಿ ನಡೆದ ದಾಳಿಯ ನಂತರ ವಿಯೆಟ್ನಾಂ ಪೊಲೀಸರು ಸೋಯಾಬೀನ್‌ನಿಂದ ತಯಾರಿಸಿದ ನಕಲಿ ಕಾಫಿ ಉತ್ಪಾದಿಸಿದ ಗೋದಾಮಿನ ಮೇಲೆ ಕ್ರಿಮಿನಲ್ ತನಿಖೆಯನ್ನು ಪ್ರಾರಂಭಿಸಿದ್ದಾರೆ ಎಂದು ಸಾರ್ವಜನಿಕ ಭದ್ರತಾ ಸಚಿವಾಲಯ ತಿಳಿಸಿದೆ.

ಸೆಂಟ್ರಲ್ ಹೈಲ್ಯಾಂಡ್ಸ್ ಪ್ರಾಂತ್ಯದ ಲ್ಯಾಮ್ ಡಾಂಗ್‌ನಲ್ಲಿ ನಡೆದ ದಾಳಿಯ ಸಮಯದಲ್ಲಿ ಪೊಲೀಸರು ೪.೧ ಟನ್ ನಕಲಿ ಕಾಫಿ ಉತ್ಪನ್ನಗಳು ಮತ್ತು ೩ ಟನ್ ಕಚ್ಚಾ ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ.

ವಿಯೆಟ್ನಾಂ ವಿಶ್ವದ ಅತಿದೊಡ್ಡ ರೋಬಸ್ಟಾ ಕಾಫಿ ಉತ್ಪಾದಕ ರಾಷ್ಟçವಾಗಿದ್ದು, ಇದು ಕಹಿ ರುಚಿಯನ್ನು ಹೊಂದಿರುತ್ತದೆ ಮತ್ತು ಇದನ್ನು ಮುಖ್ಯವಾಗಿ ಇನ್ಸೆ÷್ಟಂಟ್ ಕಾಫಿಯಲ್ಲಿ ಬಳಸಲಾಗುತ್ತದೆ. ಸೆಂಟ್ರಲ್ ಹೈಲ್ಯಾಂಡ್ಸ್ ದೇಶದ ಪ್ರಮುಖ ಕಾಫಿ ಬೆಳೆಯುವ ಪ್ರದೇಶವಾಗಿದೆ. ಗೋದಾಮಿನ ಮಾಲೀಕರಾದ ಲುವಾಂಗ್ ವಿಯೆಟ್ ಕೀಮ್, ತಮ್ಮ ಕಂಪನಿಯು ಸೋಯಾಬೀನ್ ಮತ್ತು ಸುವಾಸನೆಗಳನ್ನು ಕಾಫಿ ಬೀಜಗಳೊಂದಿಗೆ ಬೆರೆಸಿ ಸ್ಥಳೀಯ ಮಾರುಕಟ್ಟೆಗೆ ಕಾಫಿಯನ್ನು ಉತ್ಪಾದಿಸಿದೆ ಎಂದು ಪೊಲೀಸರಿಗೆ ಒಪ್ಪಿಕೊಂಡಿದ್ದಾರೆ.

೫೨೮ ಕಿಲೋಗ್ರಾಂಗಳಷ್ಟು ತೂಕದ ೧,೦೫೬ ಚೀಲಗಳ ಕಾಫಿ ಪುಡಿಯನ್ನು ಸಾಗಿಸುತ್ತಿದ್ದ ಟ್ರಕ್ ಅನ್ನು ಶೋಧಿಸಿದ ನಂತರ ಗೋದಾಮಿನ ಮೇಲೆ ದಾಳಿ ನಡೆಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ, ಆ ಟ್ರಕ್‌ಗೆ ಯಾವುದೇ ದಾಖಲೆಗಳಿಲ್ಲ. ನಕಲಿ ಕಾಫಿ ಉತ್ಪನ್ನಗಳು ಅಪರೂಪವಲ್ಲ, ಮತ್ತು ಅವುಗಳನ್ನು ಸೋಯಾಬೀನ್ ಅಥವಾ ಜೋಳ ಅಥವಾ ಎರಡರಿಂದಲೂ ತಯಾರಿಸಬಹುದು ಎಂದು ನೆರೆಯ ಪ್ರಾಂತ್ಯದ ಡಾಕ್ ಲಕ್‌ನಲ್ಲಿ ನೆಲೆಸಿರುವ ಕಾಫಿ ವ್ಯಾಪಾರಿ ನ್ಗುಯೆನ್ ಕ್ವಾಂಗ್ ಥೋ ಹೇಳಿದ್ದಾರೆ.

ಸೋಯಾಬೀನ್ ಮತ್ತು ಜೋಳ ಖಾದ್ಯವಾಗಿದ್ದು ನಿಜವಾದ ಕಾಫಿ ಬೀಜಗಳಿಗಿಂತ ಅಗ್ಗವಾಗಿದೆ, ಆದರೆ ಈ ನಕಲಿ ಕಾಫಿ ಉತ್ಪನ್ನಗಳನ್ನು ಕುಡಿಯುವುದು ಆರೋಗ್ಯಕ್ಕೆ ಸುರಕ್ಷಿತವೇ ಎಂದು ಯಾರಿಗೆ ತಿಳಿದಿದೆ? ಸೆಂಟ್ರಲ್ ಹೈಲ್ಯಾಂಡ್ಸ್ನ ರೈತರು ಕಾಫಿ ಬೀಜಗಳನ್ನು ಪ್ರತಿ ಕೆಜಿಗೆ ೧೦೦,೫೦೦-೧೦೦,೧೦೦ ಡಾಂಗ್ ($೩.೮೬)ಗೆ ಮಾರಾಟ ಮಾಡುತ್ತಿದ್ದಾರೆ, ಇದು ಸೋಯಾಬೀನ್‌ಗಳ ಬೆಲೆಗಿಂತ ಸುಮಾರು ಮೂರು ಪಟ್ಟು ಹೆಚ್ಚಾಗಿದೆ. ೨೦೧೮ ರಲ್ಲಿ, ಸೆಂಟ್ರಲ್ ಹೈಲ್ಯಾಂಡ್ಸ್ನ ಪೊಲೀಸರು ಬ್ಯಾಟರಿ ರಾಸಾಯನಿಕಗಳನ್ನು ಬಳಸಿ ತ್ಯಾಜ್ಯ ಕಾಫಿ ಬೀಜಗಳಿಗೆ ಬಣ್ಣ ಬಳಿದು ಮಿಶ್ರಣವನ್ನು ಕರಿಮೆಣಸು ಎಂದು ಮಾರಾಟ ಮಾಡುತ್ತಿದ್ದ ಐದು ಜನರನ್ನು ಬಂಧಿಸಿದ್ದರು. ಸರ್ಕಾರದ ಕಸ್ಟಮ್ಸ್ ಅಂಕಿಅAಶಗಳ ಪ್ರಕಾರ, ವಿಯೆಟ್ನಾಂ ಕಳೆದ ವರ್ಷ $೮.೯ ಶತಕೋಟಿ ಮೌಲ್ಯದ ೧.೬ ಮಿಲಿಯನ್ ಟನ್ ಕಾಫಿಯನ್ನು ರಫ್ತು ಮಾಡಿತ್ತು. ಇದು ಪ್ರಮಾಣದಲ್ಲಿ ೧೮.೩% ಮತ್ತು ಮೌಲ್ಯದಲ್ಲಿ ೫೮.೮% ಹೆಚ್ಚಾಗಿದೆ.