*ಗೋಣಿಕೊಪ್ಪ, ಆ. ೩ : ೩೦ ತಿಂಗಳ ಅವಧಿಯಲ್ಲಿ ರೂ. ೧.೬೦ ಕೋಟಿ ವೆಚ್ಚ ಅಭಿವೃದ್ಧಿ ಕಾಮಗಾರಿಗಳು ಗೋಣಿಕೊಪ್ಪ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ನಡೆದಿವೆ ಎಂದು ಗ್ರಾ.ಪಂ. ಅಧ್ಯಕ್ಷ ಕುಲ್ಲಚಂಡ ಪ್ರಮೋದ್ ಗಣಪತಿ ತಿಳಿಸಿದ್ದಾರೆ.

ಸುದ್ದಿಗೋಷ್ಠಿಯಲ್ಲಿ ಅಭಿವೃದ್ಧಿ ಕಾಮಗಾರಿಗಳ ಪಟ್ಟಿ ಬಿಡುಗಡೆಗೊಳಿಸಿ ಮಾತನಾಡಿದ ಅವರು, ಗೋಣಿಕೊಪ್ಪ ಪಟ್ಟಣ ಎದುರಿಸುತ್ತಿದ್ದ ಬಸ್ ನಿಲ್ದಾಣದ ಸಮಸ್ಯೆಯನ್ನು ನೀಗಿಸುವ ನಿಟ್ಟಿನಲ್ಲಿ ರೂ. ೪.೪೦ ಕೋಟಿ ವೆಚ್ಚದಲ್ಲಿ ಬಸ್ ನಿಲ್ದಾಣ ಆಧುನಿಕ ಶೈಲಿಯಲ್ಲಿ ನಿರ್ಮಾಣಗೊಂಡಿದೆ. ಸ್ವಾತಂತ್ರ÷್ಯ ಹೋರಾಟಗಾರ ಕೊಳ್ಳಿಮಾಡ ಸಿ. ಕರುಂಬಯ್ಯ ಹೆಸರಿನಲ್ಲಿ ಸ್ವಾತಂತ್ರ÷್ಯ ಹೋರಾಟಗಾರರನ್ನು ಮುಂದಿನ ಪೀಳಿಗೆಗೆ ಪರಿಚಯಿಸುವ ಕಾರ್ಯ ನಡೆದಿದೆ. ರಾಜ್ಯದಲ್ಲಿ ಪುತ್ಥಳಿ ಹೊಂದಿರುವ ಏಕಮಾತ್ರ ಬಸ್ ನಿಲ್ದಾಣವಾಗಿ ಗೋಣಿಕೊಪ್ಪ ಗುರುತಿಸಿಕೊಂಡಿದೆ.

ಸಂವಿಧಾನ ಶಿಲ್ಪಿ ಬಾಬಾ ಸಾಹೇಬ್ ಅಂಬೇಡ್ಕರ್ ಮತ್ತು ಸ್ವಾತಂತ್ರ÷್ಯ ಹೋರಾಟಗಾರ ಗಾಂಧಿವಾದಿ ಪಂದ್ಯAಡ ಬೆಳ್ಯಪ್ಪ ಅವರ ಪುತ್ಥಳಿ ಇತಿಹಾಸವನ್ನು ಸಾರುವಂತಿದೆ ಎಂದು ತಿಳಿಸಿದರು. ಬಸ್ ನಿಲ್ದಾಣದಲ್ಲಿ ಸುಮಾರು ರೂ. ೪೦ ಲಕ್ಷ ಕಾಮಗಾರಿ ಬಾಕಿ ಉಳಿದಿದೆ. ಪ್ರಯಾಣಿಕರು ಕೂರಲು ಸೂಕ್ತ ಬೆಂಚು ವ್ಯವಸ್ಥೆ ಮಾಡಿದ್ದು, ಗುಣಮಟ್ಟದ ಬೆಂಚು ಅಳವಡಿಕೆ ಗುತ್ತಿಗೆಯಲ್ಲಿನ ನಿಯಮದಂತೆ ನಡೆಯಲಿದೆ.

ಪುತ್ಥಳಿ ಸುತ್ತಲೂ ಗಾಜಿನ ಕೋಣೆ ನಿರ್ಮಿಸಿ ಬಂದೋಬಸ್ತ್ ಮಾಡಲಾಗುವುದು. ಜನರ ಬವಣೆ ನೀಗಿಸಿದ ತೃಪ್ತಿ ಇದೆ ಎಂದರು. ಬಿಜೆಪಿ ಬೆಂಬಲಿತ ಆಡಳಿತ ಅವಧಿಯಲ್ಲಿ ಆಗದಷ್ಟು ಕಾಮಗಾರಿ ಈಗ ನಡೆದಿದೆ. ಬಾಕಿ ಉಳಿದಿದ್ದ ೩ ಕೋಟಿ ತೆರಿಗೆಯನ್ನು ಸಂಗ್ರಹಿಸಿದ ಹೆಮ್ಮೆ ನಮಗಿದೆ. ವಿದ್ಯುತ್ ಬಿಲ್ ಬಾಕಿ ತೀರಿಸಲಾಗಿದೆ. ಪ್ರಸ್ತುತ ಪಂಚಾಯಿತಿಯಲ್ಲಿ ೮ ಲಕ್ಷ ಅನುದಾನ ಉಳಿಸಿದ್ದು, ಮುಂದಿನ ದಿನಗಳಲ್ಲಿ ಅಭಿವೃದ್ಧಿಗೆ ಪೂರಕವಾಗಲಿದೆ ಎಂದು ತಿಳಿಸಿದರು.

೧ನೇ ವಿಭಾಗಕ್ಕೆ ರೂ. ೨೪ ಲಕ್ಷ, ೨ನೇ ವಿಭಾಗಕ್ಕೆ ೧೫ ಲಕ್ಷ, ೩ನೇ ವಿಭಾಗಕ್ಕೆ ೩೩ ಲಕ್ಷ, ೬ನೇ ವಿಭಾಗಕ್ಕೆ ೨೯, ೭ನೇ ವಿಭಾಗಕ್ಕೆ ೧೧, ೮ನೇ ವಿಭಾಗಕ್ಕೆ ೧೨ ಲಕ್ಷ, ಹೀಗೆ ಅನುದಾನ ಬಳಸಿಕೊಂಡು ಅಭಿವೃದ್ಧಿಪಡಿಸಲಾಗಿದೆ ಎಂದರು.

ಶಾಸಕರ ಅನುದಾನದಿಂದ ೨ ಸೇತುವೆ ನಿರ್ಮಾಣ, ಬೈಪಾಸ್ ರಸ್ತೆ ಅಭಿವೃದ್ಧಿ, ತಡೆಗೋಡೆ ನಿರ್ಮಾಣ, ಮತ್ತೊಂದು ತಡೆಗೋಡೆ ನಿರ್ಮಾಣಕ್ಕೆ ರೂ. ೩೯ ಲಕ್ಷ ಇನ್ನಷ್ಟೆ ಬಿಡುಗಡೆಗೊಳ್ಳಲಿದೆ ಎಂದು ತಿಳಿಸಿದರು. ಸರ್ಕಾರಿ ಪ್ರಾಥಮಿಕ ಶಾಲೆಗೆ ರೂ. ೨೧ ಲಕ್ಷ ಅನುದಾನ ನೀಡಿ ಅಭಿವೃದ್ಧಿಪಡಿಸಲಾಗಿದೆ. ಕೀರೆ ಹೊಳೆಗೆ ನಿರ್ಮಿಸಿದ್ದ ಟ್ರಾ÷್ಯಶ್ ಬ್ಯಾರಿಕೇಡ್ ಯೋಜನೆಯಿಂದ ಗ್ರಾಮಸ್ಥರ ಕೃಷಿ ಭೂಮಿಗೆ ಸೇರುತ್ತಿದ್ದ ತ್ಯಾಜ್ಯಗಳನ್ನು ತಡೆಯುವಂತಾಗಿದೆ. ೨೦೨೪-೨೫ನೇ ಸಾಲಿನಲ್ಲಿ ೫೪.೪೮ ಲಕ್ಷ, ೨೦೨೫-೨೬ ರಲ್ಲಿ ೬೯.೦೮ ಲಕ್ಷ, ೨೦೨೬-೨೭ನೇ ಸಾಲಿನಲ್ಲಿ ಈಗಾಗಲೇ ೩೬ ಲಕ್ಷ ರೂ. ಗಳ ಕಾಮಗಾರಿ ನಡೆದಿದೆ ಎಂದು ತಿಳಿಸಿದರು.

ಹಾಜರಾತಿ ತಿದ್ದಿದ ಬಿಜೆಪಿ ಬೆಂಬಲಿತ ಸದಸ್ಯರುಗಳು ಆಡಳಿತ ಅವಧಿಯ ಕೊನೆಯ ಸಾಮಾನ್ಯ ಸಭೆಗೆ ಹಾಜರಾಗಿದ್ದ ಬಿಜೆಪಿ ಬೆಂಬಲಿತ ಸದಸ್ಯರು ಸಭೆಯನ್ನು ನಡೆಸಲು ಬಿಡದೆ ಹೊರ ಬಂದಿದ್ದರು. ಚೈತ್ರ ಬಿ ಚೇತನ್, ಸೌಮ್ಯ ಬಾಲು, ಪುಷ್ಪ ಮನೋಜ್ ಹಾಜರಾತಿಗೆ ಸಹಿ ಹಾಕಿ ನಂತರ ವೈಟ್ನರ್ ಮೂಲಕ ತಿದ್ದಿದ್ದಾರೆ ಎಂದು ಆರೋಪಿಸಿದ ಅವರು, ಸಾರ್ವಜನಿಕ ಕಾರ್ಯಕ್ಕೆ ಸಭೆ ನಡೆಸಲು ಅವಕಾಶ ಮಾಡಿಕೊಡದೆ, ಸಾರ್ವಜನಿಕರೇ ಟೀಕೆ ಮಾಡುವಂತೆ ನಡೆದುಕೊಂಡಿರುವುದು ಬೇಸರ ತಂದಿದೆ ಎಂದರು. ಬಸ್ ನಿಲ್ದಾಣ ಉದ್ಘಾಟನೆ ಸರ್ಕಾರದ ಶಿಷ್ಠಾಚಾರದಲ್ಲಿ ನಡೆದಿದೆ. ಸರ್ವ ಸದಸ್ಯರನ್ನು ಆಹ್ವಾನಿಸಲಾಗಿದೆ. ಪುತ್ಥಳಿ ಅನಾವರಣ, ನಾಮಫಲಕ ಅನಾವರಣ, ಉದ್ಘಾಟನೆ ನಡೆಸಲಾಗಿದೆ. ಶಾಸಕರ ಹುಟ್ಟುಹಬ್ಬ ಆಚರಣೆ ಪ್ರತ್ಯೇಕ ವೇದಿಕೆಯಲ್ಲಿ ನಡೆದಿದೆ ಎಂದು ತಿಳಿಸಿದರು. ಗೋಷ್ಠಿಯಲ್ಲಿ ಉಪಾಧ್ಯಕ್ಷೆ ಮಂಜುಳ, ಸದಸ್ಯರಾದ ಚೆಪ್ಪುಡೀರ ಧ್ಯಾನ್ ಸುಬ್ಬಯ್ಯ, ಸಫೂರ ಭಾನು ಇದ್ದರು.